ប្រទេសម៉ារ៉ុក ឬ ម៉ូរ៉ុកកូ (Morocco) ដែរមានឈ្មោះជាផ្លូវការ​ ព្រះរាជាណាចក្រម៉ារ៉ុក គឺជាប្រទេសមួយស្ថិតនៅប៉ែកខាងលិចនៃតំបន់ម៉ាហ្រ្គីបក្នុងអាហ្រ្វិកខាងជើង។

• ប្រទេសម៉ារ៉ុកមានព្រំប្រទល់ជាប់នឹងសមុទ្រមេឌីទែរ៉ាណេនៅភាគខាងជើង និងមហាសមុទ្រអាត្លង់ទិកនៅភាគខាងលិច ហើយមានព្រំដែនគោកជាប់នឹងប្រទេសអាល់ហ្សេរី​នៅភាគខាងកើត និងដែនដីជម្លោះសាហារ៉ាខាងលិចនៅភាគខាងត្បូង។
• ប្រទេសនេះលាតសន្ធឹងលើផ្ទៃដី ៤៤៦,៣០០ គីឡូម៉ែត្រការ៉េ ឬ ៧១០,០៨០ (បើគិតទាំងសាហារ៉ាខាងលិច) ប្រទេសនេះមានប្រជាជនចំនួនសរុប ៣៧ លាននាក់។
• សាសនាផ្លូវការ ដែលមានប្រជាប្រិយបំផុតគឺ សានាឥស្លាម​ ហើយភាសាផ្លូវការគឺ ភាសា​អារ៉ាប់និងភាសាប៊ែប៊ែររីឯភាសាបារាំងក៏ត្រូវបានគេនិយាយយ៉ាងទូលំទូលាយផងដែរ។
• អត្តសញ្ញាណ​និង​វប្បធម៌​របស់​ប្រទេស​ម៉ារ៉ុកគឺកើតចេញពីការលាយឡំគ្នារវាងវប្បធម៌ប៊ែប៊ែរ​ អារ៉ាប់ និងអឺរ៉ុប។
• រាជធានីរបស់ប្រទេសនេះគឺ រ៉ាបាត​ ឯទីក្រុងធំបំផុតក្នុងប្រទេសគឺកាសាប្លង់កា។
• រូបិយវត្ថុ​របស់ប្រទេសនេះ​គឺ​ឌៀហាំម៉ារ៉ុក។
• ប្រទេសម៉ារ៉ុក​សម្បូរទៅ​ដោយ​ជន​ជាតិអារ៉ាប់​ដែរ​មាន​រហូតដល់67%នៃ​ប្រជាជនសរុប​ ឯជនជាតិប៊ែប៊ែរមាន31%​ និង​ ជនជាតិសារ៉ាវីមានត្រឹម​តែ2%ប៉ុណ្ណោះ។

ម៉ារ៉ុក​ធ្លាប់​ស្ថិត​ក្រោម​អាណានិគម​បារាំង​ដូច​​ទៅ​និង​ប្រទេស​កម្ពុជា​ដែរគឺចាប់​ពីឆ្នាំ1912រហូត​ដល់ឆ្នាំ1956​ ហើយប្រទេសនេះ​បាន​ប្រកាស​ឯករាជ្យ​នៅថ្ងៃទី2ខែមីនាឆ្នាំ1956។