យោងតាមការព្យាករណ៍របស់ NASA

សកម្មភាពព្រះអាទិត្យអាចនឹងឈានដល់ "កម្រិតខ្ពស់បំផុត" នៅឆ្នាំ ២០២៥ នេះ!

បាតុភូតនេះត្រូវបានអ្នកវិទ្យាសាស្ត្រហៅថា "វត្តព្រះអាទិត្យ Solar cycle" ដែលកើតឡើងរាល់ ១១ឆ្នាំម្ដង។ ពេលព្រះអាទិត្យចូលដល់កម្រិតអតិបរមានេះ! ដែនម៉ាញេទិចព្រះអាទិត្យគឺមានសកម្មភាពបំផុត ដែលធ្វើឲ្យប្រហោងខ្មៅលើផ្ទៃព្រះអាទិត្យ និងអណ្ដាតភ្លើងព្រះអាទិត្យ ក៏ដូចការបញ្ចេញបន្ទុះប្លាស្មាព្រះអាទិត្យកើនឡើងចំនួនច្រើនជាងមុន។ សកម្មភាពទាំងនេះ អាចបង្កផលប៉ះពាល់ដល់បរិយាកាសខាងលើរបស់ផែនដី ដែលជាកន្លែងគោចរនៃផ្កាយរណប ប្រព័ន្ធទំនាក់ទំនង និងស្ថានីយ៍អវកាសអន្តរជាតិ បន្ថែមពីនេះ វាក៏អាចធ្វើឲ្យពន្លឺ Auroras លាតសន្ធឹងកាន់តែធំទៅលើទីតាំងដែលស្ថិតក្បែរតំបន់ប៉ូលទាំងសងខាងរបស់ផែនដីផងដែរ។